Власта ликува, опозицијата молчи, малите партии водат битка на социјалните мрежи. Два дена по гласањето партиите се уште бројат резултати.И Левица е задоволна од резултатите и покрај тоа што не освои ниту еден градоначалник. Власта ликува, опозицијата молчи, малите партии водат битка на социјалните мрежи. Два дена по гласањето партиите се уште бројат резултати.И Левица е задоволна од резултатите и покрај тоа што не освои ниту еден градоначалник. Партискиот лидер на социјалните мрежи со слика од изборната графика на Сител броеше колку урбан народ гласал за Орце Ѓорѓиевски.И Во ЗНАМ немаат многу за броење бидјеќи на овие избори освоија само еден градоначалнички мандат. Откако вчера пред полноќ портпаролот на партијата ги обвини ВРЕДИ дека го изиграле ВМРО-ДПМНЕ во Скопје, денеска ретерира. Вели, ставот бил личен а владините партнери треба да соработуваат.„Победата на овие локални избори што ја остварија ВМРО – ДПМНЕ, ЗНАМ и ВРЕДИ е резултат на нашата взаемна поддршка во сите општини во Македонија, што е потврда на имплементацијата на конзистентните политики на владата во изминатиот период.По локалните избори владините партнери треба да продолжат во ист правец, затоа што зацртаните политички цели за овие избори се остварени.“ – напиша портпаролот на ЗНАМ Никола Мемов на Фејсбук.Во ВРЕДИ се сметаат за втора политичка сила во земјава па затоа како што велат, нема да се спуштаат на нивото на Мемов.Сулејмани потврди дека Беким Сали ќе го замени Меџити во Владата но немаше одговор за тоа дали неговата партија ќе го задржи истиот ресор.Во СДСМ молк. Последното нешто е од оваа партија на редакцискиот меил се цитати од говорот на Филипче по изборниот пораз во неделата.Посебно гласни не се ниту во ДУИ кои вчера најавија Конгрес пред крајот на годинава на кој ќе се решава за судбината на актуелното раководство.Фото за вовед: YouTube видео: Категорија: МакедонијаНовинар: Александар Спасовски

Продолжената истрага за пожарот во кочанскиот клуб Пулс, непријавените донации во изборната кампања и вработувањата во Македонски пошти и покрај огромните загуби на ова претрпијатие, се меѓу настаните кои Транспаренси интернешанал ги оцени како сомнителни за месец октомври во... Продолжената истрага за пожарот во кочанскиот клуб Пулс, непријавените донации во изборната кампања и вработувањата во Македонски пошти и покрај огромните загуби на ова претрпијатие, се меѓу настаните кои Транспаренси интернешанал ги оцени како сомнителни за месец октомври во борбата против корупција.Со самото тоа што истрагата за Пулс се проширува, се остава впечаток дека не се знае уште колку лица се инволвирани во оваа трагедија.Само 1/3 пак од учесниците на изборите доставиле извештај за примени донации за изборната кампања до предвидениот рок, па со тоа се отвараат сомнежите дека учесниците на изборите не сакаат да ги дадат овие информации, вели претседателот на Транспаренси интернешанл.Меѓу матните настани навадено е и разврешувањето на апелациониот судија Енвер Беџети поради дисциплинска повреда, но за него не се води кривична постапка иако е ставен на Црната листа на САД, под сомнежи за мито.Но, во месец октомври според Транспаренси интернешанл не е се така матно. Неколку истраги покажуваат дека правосудството сепак реагира. Истрагата која ја покрена Обвинителството за злоупотреби и малтретирање на згрижените во приватни домови за стари лица, како и откриените сомнежи за криминал со јавни набавки во РЕК Битола.Во Прилеп пак, шест лица завршија во притвор поради злоупотребите во прилепската болница, а 15 добија мерки на претпазливост за финансиски малверзации, фиктивни набавки и злоупотреби на јавни средства.Исто така поднесена е кривична пријава против поранешен раководител во Национални шуми кој овозможил испорака на дрвна маса без претходно плаќање и му нанел штета на јавното претпријатие од нешто над 5.000 евра.Транспаренси интернешанл секој месец го објавува извештајот бистро-матно во кој се бележат најзначајните случаи на корупција и институционалните реакции.Фото за вовед: YouTube видео: Категорија: МакедонијаНовинар: Тамара Дичоска

Граѓанското општество во земјите од Западен балкан е на критична крстосница. Истражувањето на балканската мрежа за равој на граѓански организации од октомври годинава, открива намалување на буџетите кај донаторите кои финансираат проекти за заштита на демократијата и... Граѓанското општество во земјите од Западен балкан е на критична крстосница. Истражувањето на балканската мрежа за равој на граѓански организации од октомври годинава, открива намалување на буџетите кај донаторите кои финансираат проекти за заштита на демократијата и човековите права. Најголема штета, велат е направена со повлекувањето на американската УСАИД.„Многу неочекуван удар, од нигде – никаде кој направи огромни турбуленции. Сега се наоѓаме во една ситуација во која не само што ја нема поддршката од УСАИД, туку Велика Британија, Холандија, Швајцарија – сите кратат на одреден начин пари кои се за секторот. Ќе мора и самиот сектор да направи промени во функционирањето“, изјави Ања Босилкова Антовска, Балканска мрежа за развој на граѓанско општество.Во моментов, Европската унија е се уште најголем донатор за граѓанските организации, но заради сложена бирократија, тешко се стигнува до европските пари. Затоа, мрежата за развој препорачува наместо по големи и скапи проекти, организациите да се насочат кон проекти во кои активно се вклучени и граѓаните.„Јакиот граѓански сектор е оној кој застанува зад вистината, правдата, функционирањето на институциите. Мора да имаме силен граѓански сектор, независен, кој ќе може да зборува за она што не функционира како што треба, кој ќе треба да ги обелоденува јавно сите несоодветни политики, мора да биде коректор на власта. Се додека имаме силен граѓански сектор, имаме еден коректор на власта кој нема да дозволи било која влада да прави она што сака без да се грижи доволно за граѓаните, без да биде транспарентна, без да биде отчетна“, вели Босилкова Антовска. Глобалните безбедносни ризици според балканската мрежа дополнително ќе ги скратат буџетите за невладиниот сектор. Пари на донаторите, се почесто завршуваат во Украина и проектите за безбедност и миграција.Фото за вовед: YouTube видео: Категорија: МакедонијаНовинар: Зоран Јаневски

И операција направена пред 15 години во купчето на сомнителни случаи за кардиолошки и кардиохируршки интервенции. Интерната комисија формирана од Министерството за здравство ја разгледува медицинската документација и за овој случај покрај останатите триесетина и треба да утврдат... И операција направена пред 15 години во купчето на сомнителни случаи за кардиолошки и кардиохируршки интервенции. Интерната комисија формирана од Министерството за здравство ја разгледува медицинската документација и за овој случај покрај останатите триесетина и треба да утврдат дали пациентот без потреба бил на операциона маса.Но засега и по неколку месеци од објавата на интервентниот кардиолог Сашко Кедев дека во приватни установи прават интервенции без потреба за профит, нема првичен извештај од проверените претставки.-За повеќето пријави што стигнаа во Фондот тие беа парче хартија од пациенти што мораше да се помине прво цела административна обработка а потоа и медицинска. Така да процесот не е толку брз колку што сите би сакале да биде бидејќи има повеќе фази на обработка на работите, вели Сашо Клековски, директор на Фонд за здравствено осигурување.Според министерството за здравство, на Интерната комисија и останале уште 7-8 случаи кои треба да ги обработи а досега биле разгледани медицински истории кои беа доставени од Клиниките за кардиологија и кардиохирургија како и од пациенти. Иако најавени уште во летото, се уште ги нема тројцата странски експерти кои треба да се вклучат во истрагата.-Јас имав онлајн средба со нив, во моментот кога ќе завршат официјално изборите ќе може и официјално процедурата да ја започнеме од Министерството за здравство. Знаете дека ние освен таа неформална комуникација сме немале формална со договор со официјална средба со нив, вели Азир Алиу, министер за здравство.Надзор во 11 јавни и приватни здравствени установи во кои се вршат кардиолошки и кардиохируршки инервенции прави и Лекарската Комора. Треба да прегледаат 165 медицински документации по случаен избор за последните три години, како што од нив побара Министерството за здравство.Фото за вовед: YouTube видео: Категорија: МакедонијаНовинар: Сања Димитровска